www.toshkent.uz Www.Toshkent.Uz - “Ўзбекистон – Санкт-Петербург – Ҳамкорликнинг Янги Уфқлари” Мавзуида Бизнес Форуми Ташкил Этилди
Фотогалерея
Видеогалерея
“Ўзбекистон – Санкт-Петербург – ҳамкорликнинг янги уфқлари” мавзуида бизнес форуми ташкил этилди

 

Халқаро ҳамкорлик марказида 9 ноябрь куни Санкт-Петербург шаҳри губернатори Георгий Полтавченко бошчилигидаги делегациянинг ташрифи доирасида бизнес-форум бўлиб ўтди. 

Ўзбекистон Республикаси Бош вазири ўринбосари Н.Отажонов, Санкт-Петербург шаҳри губернатори Г.Полтавченко ва бошқалар Ўзбекистон Республикаси ҳудудлари ва Россия Федерацияси субъектлари ўртасидаги ҳамкорлик алоқалари жадал ривожланиб бораётгани, бунда икки давлат раҳбарларининг учрашувларида эришилган келишувлар, хусусан, апрель ойида имзоланган икки мамлакат минтақалари ўртасида ҳамкорлик тўғрисидаги ҳукуматлараро битим муҳим ҳуқуқий асос бўлиб хизмат қилаётганини алоҳида таъкидлади. Мамлакатимиз ҳудудлари ўртасидаги тўғридан-тўғри алоқаларнинг йўлга қўйилаётгани иқтисодиётнинг турли тармоқларида қўшма лойиҳаларни муваффақиятли амалга ошириш имконини бермоқда. 

Россия Ўзбекистоннинг муҳим савдо-иқтисодий ҳамкорларидан. Давлатларимиз ўртасидаги фаол алоқалар Стратегик шериклик тўғрисидаги ҳамда Иттифоқчилик муносабатлари тўғрисидаги шартномалар ва бошқа қатор ҳужжатлар асосида янги босқичга кўтарилди. Кейинги ойларда ҳукуматлараро ва ҳудудлараро даражадаги ташрифларнинг фаоллашгани самарасида савдо айланмаси бўйича изчил ўсиш суръатлари кузатилмоқда. Россиянинг Санкт-Петербург шаҳри билан жорий йилнинг ўтган даври мобайнида ўзаро савдо айланмаси 120 миллион АҚШ доллардан ошгани ҳам буни кўрсатиб турибди. 

Тадбирда Санкт-Петербург шаҳрининг элликка яқин компанияси вакиллари қатнашди. Россиялик ишбилармонларга юртимизда кичик бизнес ва хусусий тадбиркорликни ривожлантириш, иқтисодиётни либераллаштириш ва модернизация қилишга хизмат қилаётган ислоҳотлар жараёни ҳақида маълумот берилди. Анжуманда саноат зоналари имкониятлари, янги йўналишда қўшма лойиҳаларни ишлаб чиқишга оид масалалар муҳокама қилинди. 

– Ўзбекистонда етиштирилаётган мева-сабзавотлар витаминларга бойлиги, мазаси ва сифати билан дунё бозорида алоҳида эътироф этилади, – дейди “Ўзбекозиқовқатхолдинг” компанияси бошқарма бошлиғи Б.Юнусов. – Чунончи, Россияда ҳам серқуёш ўлкамизнинг экологик тоза, сифатли озиқ-овқат маҳсулотларига талаб юқори. Бугунги форум доирасида россиялик делегатлар таркибида озиқ-овқат саноатига ихтисослашган кўплаб ташкилотлар вакиллари иштирок этгани мазкур соҳадаги ҳамкорликни янги йўналишларда кенгайтириш имконини берди. Жумладан, Санкт-Петербург ҳукуматининг Ижтимоий овқатланиш бошқармаси билан қиймати 2 миллион доллар миқдоридаги келишувга эришдик. Ўтган йиллар давомида экспортда ҳўл мева-сабзавотлар етакчилик қилган бўлса, эндиликда қуритилган ва қадоқланган мева, полиз маҳсулотларини етказиб беришни ҳам йўлга қўйдик. 

Бизнес-форумда тегишли вазирлик ва идоралар раҳбарларининг турли соҳалардаги ҳамкорликни ривожлантириш масалаларига бағишланган маърузалари тингланди. 

Шу куни Санкт-Петербург губернатори Г.Полтавченко Тошкент шаҳар ҳокими Р.Усмонов билан учрашув ўтказди. Унда ҳудудлар ўртасида ўзаро манфаатли ва истиқболли лойиҳалар ишлаб чиқиш ва амалга оширишда мавжуд имкониятлардан самарали фойдаланиш юзасидан фикр алмашилди. Учрашув якунида Тошкент шаҳар ҳокимияти билан Санкт-Петербург ҳукумати ўртасида савдо-иқтисодий, илмий-техникавий ва маданий ҳамкорлик тўғрисида келишув имзоланди. 

Шунингдек, Санкт-Петербург губернатори Г.Полтавченко бошчилигидаги делегация Тошкентнинг диққатга сазовор жойларини томоша қилди. Темурийлар тарихи давлат музейида бўлиб, Мустақиллик майдонини зиёрат қилди. 

Улуғбек Шоназаров, ЎзА

http://uza.uz/oz/business/-zbekiston-sankt-peterburg-amkorlikning-yangi-uf-lari-mavzui-09-11-2017



Печать 10 Ноябрь 2017 Ўқилди: 651


Конституциясининг яратилиши тарихига бағишланган архив ҳужжатлари кўргазмаси очилди
Италиялик машҳур дизайнер ёшларга кенг имконият яратилганини эътироф этди
Сайтда фойдаланувчилар сони: 276
Фойдали ресурслар
Ишонч телефонларига аҳоли ва тадбиркорлар томонидан тушган мурожаатлар сони

 

 

beta(test statistika)

 

06.11.2017

ҳолати

 

Сайтга келиб тушган мурожаатлар

 

Ҳокимлигларига келиб тушган мурожаатлар

 

PM.GOV.UZ Президент порталига келиб тушган мурожаатлар

 

MY.GOV.UZ порталига келиб тушган мурожаатлар

 

Келиб тушгани мурожаатлар

 

67

 

15463

 

43687

 

16060

 

Ижродаги мурожаатлар

 

3

 

610

 

2910

 

364

 

Ижроси таъминланган мурожаатлар

 

63

 

14853

 

40777

 

15969

 

Муддати бузилган мурожаатлар

 

0

 

102

 

61

 

69

 

 

 

 

 

 

 

 

 

 

 

 

 

 

 

ИШОНЧ ТЕЛЕФОНИНИНГ РЕГЛАМЕНТИ

 

Иш тартиби:

Иш соат 09:00 - 18:00

Тушлик                                                                                                                                                                                                                                                                                                                                                                                                                                                                                                                                                                                    13:00 - 14:00

дам олиш куни Шанба ва якшанба

  • Тарихий обидалар
  • Тошкентнома
  • Маданият ва санъат
  • Тадбиркорлик
  • Тендер ва эълонлар