www.toshkent.uz
Фотогалерея
Видеогалерея
Умумий овқатланиш корхонаси томонидан алкоголли маҳсулотлар сотиш учун рухсат гувоҳномаси олиш учун ариза
 
 
ХИЗМАТ РЕГЛАМЕНТИ
 
 
 
 
 
ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИНИНГ ҚАРОРИ
УМУМИЙ ОВҚАТЛАНИШ КОРХОНАЛАРИ ТОМОНИДАН АЛКОГОЛЛИ МАҲСУЛОТЛАР СОТИШ ТАРТИБИНИ ТАКОМИЛЛАШТИРИШ ЧОРА-ТАДБИРЛАРИ ТЎҒРИСИДА
 
(Ўзбекистон Республикаси қонун ҳужжатлари тўплами, 2012 й., 14-сон, 151-модда, 44-сон, 507-модда; 2014 й., 50-сон, 590-модда; 2015 й., 1-сон, 9-модда; 2016 й., 34-сон, 405-модда)
 
Вазирлар Маҳкамасининг «Чакана савдо ва умумий овқатланиш соҳасида «Алкоголь ва тамаки маҳсулотларининг тарқатилиши ҳамда истеъмол қилинишини чеклаш тўғрисида»ги Ўзбекистон Республикаси Қонунини амалга ошириш чора-тадбирлари ҳақида» 2012 йил 7 мартдаги 65-сон қарорига мувофиқ Вазирлар Маҳкамаси қарор қилади:
1. Белгилаб қўйилсинки:
умумий овқатланиш корхоналари томонидан алкоголли маҳсулотлар фақат алкоголли маҳсулотларни сотиш ҳуқуқи учун рухсат гувоҳномалари асосида сотилади;
Олдинги таҳрирга қаранг.
 
умумий овқатланиш корхоналари томонидан алкоголли маҳсулотларни сотиш ҳуқуқи учун қонун ҳужжатларида белгиланган миқдорда йиғим ундирилади, тушган маблағлар кейинчалик Ўзбекистон Республикаси Молия вазирлиги томонидан тасдиқланган тартибда тақсимланади.
(1-банднинг учинчи хатбошиси Ўзбекистон Республикаси Президентининг 2014 йил 4 декабрдаги ПҚ-2270-сонли қарори таҳририда — ЎР ҚҲТ, 2014 й., 50-сон, 590-модда)
2. Умумий овқатланиш корхоналари томонидан алкоголли маҳсулотларни сотиш ҳуқуқи учун рухсат гувоҳномалари бериш функциялари Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузуридаги алкоголли маҳсулотлар билан чакана савдо қилиш ҳуқуқи учун рухсат гувоҳномалари бериш бўйича махсус комиссияларга юклансин.
3. Умумий овқатланиш корхоналари томонидан алкоголли маҳсулотларни сотиш ҳуқуқи учун рухсат гувоҳномаси бериш тартиби тўғрисидаги Низом иловага мувофиқ тасдиқлансин.
4. Ўзбекистон Республикаси Давлат солиқ қўмитаси умумий овқатланиш корхоналари томонидан ушбу қарор талабларига изчил риоя этилиши юзасидан қатъий назоратни таъминласин ҳамда алкоголли маҳсулотларни сотишда ҳуқуқ бузилишларига йўл қўйган шахсларни жавобгарликка тортиш чораларини кўрсин.
5. «Давлат белгиси» давлат-ишлаб чиқариш бирлашмаси Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг буюртманомалари бўйича тегишли ҳимояланиш даражаларига эга бўлган махсус бланкаларда алкоголли маҳсулотларни сотиш ҳуқуқи учун рухсат гувоҳномаларининг зарур миқдорда тайёрлаб берилишини таъминласин.
6. Ўзбекистон Республикаси Молия вазирлиги манфаатдор вазирликлар ва идоралар билан биргаликда қонун ҳужжатларига мазкур қарордан келиб чиқувчи ўзгартириш ва қўшимчалар тўғрисида бир ой муддатда Вазирлар Маҳкамасига таклифлар киритсин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С.Азимов зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2012 йил 28 март,
89-сон
 
Вазирлар Маҳкамасининг 2012 йил 28 мартдаги 89-сон қарорига 
 
ИЛОВА
Умумий овқатланиш корхоналари томонидан алкоголли маҳсулотларни сотиш ҳуқуқи учун рухсат гувоҳномаси бериш тартиби тўғрисида
НИЗОМ
 
I. Умумий қоидалар
1. Ушбу Низом умумий овқатланиш корхоналари томонидан алкоголли маҳсулотларни сотиш ҳуқуқи учун рухсат гувоҳномаси (кейинги ўринларда рухсат гувоҳномаси деб аталади) бериш тартибини белгилайди.
Олдинги таҳрирга қаранг.
 
2. Умумий овқатланиш корхоналари алкоголли маҳсулотни сотишни фақат:
ушбу Низомга мувофиқ берилган рухсат гувоҳномаси;
белгиланган тартибда рўйхатдан ўтказилган, фискал хотирага эга бўлган назорат-касса машинаси;
ёнғинга қарши, санитария нормалари ва қоидаларига мувофиқ бўлган омборхоналарга ва асбоб-ускуналарга эга бўлган ўзининг ёки ижарага олинган умумий овқатланиш объекти мавжуд бўлганда амалга оширадилар. Бунда умумий овқатланиш объектлари таълим, спорт ва диний муассасалар ҳудудларида, жамоат транспорти бекатларида, даволаш-профилактика ва спорт-соғломлаштириш муассасалари ҳудудида, ушбу муассасалар ва ишлаб чиқариш корхоналари ошхоналарида жойлашмаган бўлиши керак.
(2-банд Ўзбекистон Республикаси Вазирлар Маҳкамасининг 2014 йил 31 декабрдаги 377-сонли қарори таҳририда — ЎР ҚҲТ, 2015 й., 1-сон, 9-модда)
3. Рухсат гувоҳномаси бериш (амал қилиш муддатини 10 кунгача тўхтатиб туриш, шунингдек амал қилиш муддатини тўхтатиш, уни бекор қилиш юзасидан суд тартиботини бошлаш) тўғрисидаги қарор Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузуридаги алкоголли маҳсулотларни чакана сотиш ҳуқуқи учун рухсат гувоҳномалари бериш бўйича махсус комиссиялар (кейинги ўринларда Комиссия деб аталади) томонидан қабул қилинади.
Ҳужжатларни қабул қилиш, улар бўйича Комиссия хулосалари ва қарорлари лойиҳаларини тайёрлаш туман (шаҳар) ҳокимликлари ҳузуридаги алкоголли маҳсулотларни чакана сотиш ҳуқуқи учун рухсат гувоҳномалари олишга оид ҳужжатларни кўриб чиқиш комиссиялари (кейинги ўринларда ишчи орган деб аталади) томонидан амалга оширилади.
Олдинги таҳрирга қаранг.
 
Умумий овқатланиш корхоналари томонидан алкоголли маҳсулотларни сотиш ҳуқуқи учун қонун ҳужжатларида белгиланган миқдорда йиғим ундирилади, тушган маблағлар кейинчалик Ўзбекистон Республикаси Молия вазирлиги томонидан белгиланган тартибда тақсимланади.
(3-банднинг учинчи хатбошиси Ўзбекистон Республикаси Президентининг 2014 йил 4 декабрдаги ПҚ-2270-сонли қарори таҳририда — ЎР ҚҲТ, 2014 й., 50-сон, 590-модда)
4. Рухсат гувоҳномаси ҳар бир умумий овқатланиш объекти учун аризада кўрсатилган муддатга, лекин кўпи билан икки йил муддатга, ушбу Низомга 1 ва 2-иловаларга мувофиқ схема ва шакл бўйича берилади.
II. Рухсат гувоҳномаси олиш учун зарур бўлган ҳужжатлар
5. Рухсат гувоҳномаси олиш учун умумий овқатланиш корхонаси ўзи жойлашган жойдаги ишчи органга қуйидаги ҳужжатларни тақдим этади:
рухсат гувоҳномаси олиш учун ариза, унда умумий овқатланиш корхонасининг ташкилий-ҳуқуқий шакли ва номи, унинг жойлашган жойи (почта манзили), банкнинг номи ва банкдаги ҳисоб-китоб рақами кўрсатилади;
умумий овқатланиш корхонасининг давлат рўйхатидан ўтказилганлиги тўғрисидаги гувоҳнома нусхаси;
рухсат гувоҳномаси олиш учун ариза бериш вақтига келиб шаҳарларда — энг кам ойлик иш ҳақининг камида 100 баравари миқдорида ҳамда қишлоқ жойларда ва узоқ тоғли туманларда — энг кам ойлик иш ҳақининг камида 50 баравари миқдорида шакллантирилган устав фондининг мавжудлигини тасдиқловчи ҳужжат нусхаси. Агар устав фонди пул шаклида шакллантирилган бўлса — бу тўғридаги тасдиқловчи ҳужжат хизмат кўрсатувчи банк томонидан берилади. Устав жамғармаси бошқача мулк билан шакллантирилган тақдирда ушбу мулкка эгалик ҳуқуқини, унинг қийматини ва унинг устав фондига киритилишини тасдиқловчи ҳужжат тақдим этилади;
Олдинги таҳрирга қаранг.
(5-банднинг бешинчи хатбошиси Ўзбекистон Республикаси Вазирлар Маҳкамасининг 2014 йил 31 декабрдаги 377-сонли қарорига асосан чиқарилган — ЎР ҚҲТ, 2015 й., 1-сон, 9-модда)
Олдинги таҳрирга қаранг.
(5-банднинг олтинчи хатбошиси Ўзбекистон Республикаси Вазирлар Маҳкамасининг 2014 йил 31 декабрдаги 377-сонли қарорига асосан чиқарилган — ЎР ҚҲТ, 2015 й., 1-сон, 9-модда)
хизмат кўрсатувчи банкнинг банк пластик карточкаларидан тўловларни қабул қилиш бўйича ҳисоб-китоб терминалининг мавжудлиги тўғрисидаги маълумотномаси;
аризада кўрсатилган муддатга мувофиқ рухсат гувоҳномаси берилганлиги учун йиғим тўланганлигини тасдиқловчи банк ҳужжатининг нусхаси.
Олдинги таҳрирга қаранг.
 
Ишчи орган рухсат гувоҳномаси бериш учун бошқа ваколатли органларда мавжуд бўлган зарур ҳужжатлар ва ахборотларни белгиланган тартибда ўзаро ахборот ҳамкорлиги йўли билан, шу жумладан электрон тарзда мустақил равишда олади, ушбу бандда назарда тутилган ҳужжатлар ва ахборотлар бундан мустасно.
(5-банд Ўзбекистон Республикаси Вазирлар Маҳкамасининг 2014 йил 31 декабрдаги 377-сонли қарорига асосан хатбоши билан тўлдирилган — ЎР ҚҲТ, 2015 й., 1-сон, 9-модда)
6. Умумий овқатланиш корхонасидан ушбу Низомнинг 5-бандида назарда тутилмаган ҳужжатларнинг тақдим этилишини талаб қилишга йўл қўйилмайди.
7. Ҳужжатлар ишчи органга бевосита ёхуд уларнинг олинганлиги тўғрисидаги билдиришнома билан почта алоқаси воситалари орқали тақдим этилади.
Ҳужжатлар ишчи органнинг масъул шахси томонидан рўйхат бўйича қабул қилинади, рўйхатнинг нусхаси ҳужжатлар қабул қилинган сана тўғрисидаги белги қўйилган ҳолда ариза берувчига топширилади (юборилади).
Тақдим этилган маълумотларнинг ишончлилиги учун умумий овқатланиш корхонаси — ариза берувчи жавоб беради.
III. Аризаларни ишчи орган томонидан кўриб чиқиш тартиби
8. Ишчи орган тақдим этилган ҳужжатларни 5 иш куни мобайнида ўрганиб чиқади ва уларнинг ишончлилигини, шунингдек ушбу Низомда назарда тутилган талабларга мувофиқлигини аниқлайди.
9. Ишчи органнинг барча аъзолари томонидан бир овоздан қарор қабул қилинган тақдирда рухсат гувоҳномаси бериш тўғрисида Комиссияга таклиф киритилади.
Ишчи орган томонидан Комиссияга ижобий хулоса киритилган тақдирда, хулоса билан бир вақтда, умумий овқатланиш корхонаси томонидан алкоголли маҳсулотларни сотиш ва нақд тушумни банклар кассасига топширишнинг прогноз ҳажмлари тақдим этилади, уларга ҳар чоракда ишчи орган томонидан тузатишлар киритилади.
IV. Ишчи орган хулосасини кўриб чиқиш ва рухсат гувоҳномасини бериш ёки беришни рад этиш тўғрисида қарор қабул қилиш тартиби
10. Комиссия ишчи орган томонидан тақдим этилган ҳужжатларни 10 иш кун мобайнида ўрганиб чиқади ва Комиссиянинг барча аъзолари томонидан бир овоздан қарор қабул қилинган тақдирда рухсат гувоҳномаси бериш тўғрисида қарор қабул қилади.
Қарор қабул қилингандан сўнг Комиссия умумий овқатланиш корхонасини қабул қилинган қарор тўғрисида 3 иш куни мобайнида хабардор қилади.
11. Рухсат гувоҳномаси Комиссия раиси томонидан имзоланади.
Рухсат гувоҳномаси бланкалари қатъий ҳисобот бериладиган ҳужжатлар ҳисобланади, ҳисобга олиш сериясига, тартиб рақамига, ҳимояланганлик даражасига эга бўлади.
Комиссия раиси рухсат гувоҳномаси бланкаларидан мақсадли фойдаланилиши, уларнинг сақланиши ва ҳисобга олиниши юзасидан шахсан жавоб беради.
Рухсат гувоҳномаси бланкаларининг ҳисоби Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан, Берилган рухсатномаларни рўйхатга олиш дафтарида юритилади.
12. Қуйидагилар рухсат гувоҳномаси беришнинг рад этилиши учун асослар ҳисобланади:
Олдинги таҳрирга қаранг.
 
рухсат гувоҳномаси бериш учун зарур бўлган ҳужжатларнинг тўлиқ ҳажмда тақдим этилмаганлиги;
(12-банднинг иккинчи хатбошиси Ўзбекистон Республикаси Вазирлар Маҳкамасининг 2014 йил 31 декабрдаги 377-сонли қароритаҳририда — ЎР ҚҲТ, 2015 й., 1-сон, 9-модда)
Олдинги таҳрирга қаранг.
 
ариза берувчининг ушбу Низом талабларига номувофиқлиги;
(12-банднинг учинчи хатбошиси Ўзбекистон Республикаси Вазирлар Маҳкамасининг 2014 йил 31 декабрдаги 377-сонли қарори таҳририда — ЎР ҚҲТ, 2015 й., 1-сон, 9-модда)
тақдим этилган ҳужжатларда ишончсиз ёки нотўғри маълумотларнинг мавжудлиги.
Рухсат гувоҳномаси беришнинг бошқа асослар бўйича, шу жумладан мақсадга мувофиқ эмаслиги сабаблари бўйича рад этилишига йўл қўйилмайди.
Умумий овқатланиш корхонаси рухсат гувоҳномаси беришнинг рад этилиши тўғрисидаги қарор юзасидан қонун ҳужжатларида белгиланган тартибда шикоят билдириш ҳуқуқига эга.
13. Аниқ сабаблари кўрсатилган ҳолда рухсат гувоҳномаси беришнинг рад этилиши тўғрисидаги қарор ёзма шаклда, Комиссия раисининг имзоси билан умумий овқатланиш корхонасига берилади (юборилади). Ушбу қарорда рад этишга сабаб бўлган камчиликларни тугатиш ва ҳужжатларни такроран тақдим этиш учун етарли бўлган муддат кўрсатилади.
Олдинги таҳрирга қаранг.
 
Лицензия талабгорининг рухсат гувоҳномаси бериш тўғрисидаги аризасини қайта кўриб чиқишда илгари рухсат гувоҳномаси беришни рад этиш тўғрисидаги билдиришномада кўрсатилмаган янги асослар бўйича ушбу гувоҳномани беришни рад этишга йўл қўйилмайди.
(13-банд Ўзбекистон Республикаси Вазирлар Маҳкамасининг 2012 йил 1 ноябрдаги 313-сонли қарорига асосан иккинчи хатбоши билан тўлдирилган — ЎР ҚҲТ, 2012 й., 44-сон, 507-модда)
V. Рухсат гувоҳномасини қайта расмийлаштириш, унинг амал қилиш муддатини узайтириш, дубликат бериш
14. Умумий овқатланиш корхонаси қайта ташкил этилганда, унинг номи ёки жойлашган жойи (почта манзили) ўзгарганда умумий овқатланиш корхонаси ёки унинг ҳуқуқий вориси қайта рўйхатдан ўтказилгандан кейин бир ҳафта муддатда умумий овқатланиш корхонаси жойлашган жойдаги ишчи органга рухсат гувоҳномасини қайта расмийлаштириш тўғрисида ариза бериши, аризага кўрсатилган маълумотларни тасдиқловчи ҳужжатларни илова қилиши керак.
Бу ҳолда рухсат гувоҳномаси қайта расмийлаштирилгунгача умумий овқатланиш корхонаси алкоголли маҳсулотлар сотишни илгари берилган рухсат гувоҳномаси асосида амалга оширади.
15. Рухсат гувоҳномасини қайта расмийлаштиришда тегишли ўзгартиришлар Берилган рухсатномаларни рўйхатдан ўтказиш дафтарига киритилади. Рухсат гувоҳномасини қайта расмийлаштириш умумий овқатланиш корхонасининг зарур ҳужжатлар илова қилинган ҳолда рухсат гувоҳномасини қайта расмийлаштириш тўғрисидаги аризаси тушган вақтдан бошлаб 5 иш куни мобайнида ишчи орган томонидан амалга оширилади.
16. Рухсат гувоҳномасининг амал қилиш муддатини узайтириш умумий овқатланиш корхонасининг аризаси бўйича амалга оширилади.
Рухсат гувоҳномасининг амал қилиш муддатини узайтириш тўғрисидаги ариза ишчи органга рухсат гувоҳномасининг амал қилиш муддати ўтишидан 15 кун олдин берилиши керак.
Рухсат гувоҳномасининг амал қилиш муддатини узайтириш ёки муддатини узайтиришни рад этиш тўғрисидаги қарор рухсат гувоҳномаси бериш учун назарда тутилган тартибда қабул қилинади.
17. Йўқолган ёки яроқсиз ҳолга келган, муддати ўтмаган рухсат гувоҳномасининг ўрнига умумий овқатланиш корхонаси аризаси бўйича дубликат берилиши мумкин.
VI. Рухсат гувоҳномасининг амал қилишини тўхтатиб туриш, тўхтатиш ва уни бекор қилиш
18. Давлат солиқ хизмати органларининг тақдимномаси бўйича Комиссия томонидан рухсат гувоҳномасининг амал қилиш муддатини 10 кундан ортиқ бўлмаган муддатга тўхтатиб туриш тўғрисидаги қарор умумий овқатланиш корхонасида алкоголли маҳсулотларни сотиш қоидалари бузилганлиги, шу жумладан нақд пул тушумини инкассация қилишдаги бузилишлар аниқланган тақдирда қабул қилинади.
19. Рухсат гувоҳномасининг амал қилиши таъмирлаш ишлари бажарилиши муносабати билан, шунингдек бошқа шунга ўхшаш ҳолларда вақтинча тўхтатиб турилганда умумий овқатланиш корхонаси бу тўғрида Комиссияни ва давлат солиқ хизмати органини ёзма шаклда хабардор қилиши керак.
20. Рухсат гувоҳномасининг амал қилиши:
умумий овқатланиш корхонаси томонидан алкоголли маҳсулотларни умумий овқатланиш корхоналарида сотиш қоидалари мунтазам равишда ёхуд бир марта қўпол бузилган тақдирда;
қонун ҳужжатларида белгиланган бошқа ҳолларда суд тартибида тўхтатилиши мумкин.
21. Рухсат гувоҳномаси унинг қалбаки ҳужжатлардан фойдаланган ҳолда олинганлиги ҳолати аниқланганда, шунингдек қонун ҳужжатларида назарда тутилган бошқа ҳолларда қонун ҳужжатларида белгиланган тартибда бекор қилиниши мумкин.
VII. Ушбу Низомнинг бузилганлиги учун жавобгарлик
22. Ушбу Низомнинг бузилишида айбдор бўлган шахслар қонун ҳужжатларида белгиланган тартибда жавоб берадилар.
 
Қарорнинг ҳаволаси
 
 

Печать 16 Июнь 2017 Ўқилди: 234




Ёш ўт ўчирувчилар мусобақаси
Қизлар тарбияси – муҳим масала
Сайтда фойдаланувчилар сони: 179
Фойдали ресурслар
Ишонч телефонларига аҳоли ва тадбиркорлар томонидан тушган мурожаатлар сони

 

 Ҳолати

   

      I – Чорак 2017 - йил

     

      II – Чорак 2017 - йил     

     

       III – Чорак 2017 - йил     

   

IV – Чорак 2017 - йил     

   

Кирувчи

8

11

 

 

Ижрода

1

2

 

 

Ижроси таъминланган

7

9

 

 

 

 

 

 

 

ИШОНЧ ТЕЛЕФОНИНИНГ РЕГЛАМЕНТИ

 

Иш тартиби:

Иш соат 09:00 - 18:00

Тушлик                                                                                                                                                                                                                                                                                                                                                                                                                                                                                                                                                                                    13:00 - 14:00

дам олиш куни Шанба ва якшанба

  • Тарихий обидалар
  • Тошкентнома
  • Маданият ва санъат
  • Тадбиркорлик
  • Тендер ва эълонлар